අම්පාර බණ්ඩාරනායක බාලිකා මහා විද්‍යාලයේ (ජාතික පාසල) නියෝජ්‍ය විදුහල්පති (පාලන) ලෙස මෙම වැදගත් අවස්ථාවේ පණිවිඩයක් නිකුත් කිරීමට ලැබීම වාසනාවක් කොට සලකමි. මේ වනවිට විද්‍යාලය අධ්‍යයන, විෂය සමගාමි හා විෂය බාහිර කටයුතු වලින් ඉදිරියට එමින් පැවතීම සතුටට කරුණකි. ප්‍රදේශයේ ශිෂ්‍යයාවන් 1652 ක් පමණ අධ්‍යාපනය ලබන ප්‍රමුඛතම බාලිකා ජාතික පාසල ලෙස විද්‍යාලයීය විදුහල්පතිතුමිය, අධ්‍යයනය අනධ්‍යන කාර්ය මණ්ඩලය සමඟ කැපවීමෙන් කටයුතු කරමින් සිටින මේ මොහොතේ විද්‍යාලීය ආදි ශිෂ්‍යාවන්, සුබ පතන්නන් සහ අනෙකුත් පාසල වෙත උපකාර කරන සියලු දෙනාගේ අවධානය වැඩි වැඩියෙන් පාසල වෙත යොමු විය යුතු බව මාගේ හැඟීමයි.

                           මෙම “වෙබ් අඩවිය“ පරිහරණය කරන සියලුම දෙනා මෙහි ඇති සිසු කුසලතා සහ අනෙකුත් ප්‍රගතීන් පිළිබඳ අවධානය යොමුකර අවශ්‍ය ඇගයීම හා දිරිගැන්වීම ලබාදීම අත්‍යවශ්‍ය කරුණකි. පාසලේ ප්‍රගතිය අපේක්ෂා කරන සියලුම දෙනා පාසල සමඟ අත්වැල් බඳිමින් පෙළ ගැසෙන ලෙස ආරාධනා කරන අතර අම්පාර බණ්ඩාරනායක බාලිකා ජාතික පාසල දිනෙන් දින දියුණුවට පත් වී නැණ ගුණ දිරි සපිරි, දිරි දැරි අසිරි බණ්ඩාරනායක බාලිකාවෙන් ලක් මාතාවට දායාද කිරීමට සැමට ශක්තිය ධෛර්යය වාසනාව ලැබේවායි පතමි.